A presentación de "O agasallo de Anya"

Empezo a escribir ao tempo que temo non ter palabras suficientes para expresar a gratitude e felicidade que sinto. Menos mal que teño imaxes que poderán suplir, en parte, esa ausencia de palabras pois, tanto Lombardero como Irene e Rosalía non escatimaron en disparos para que eu, hoxe, vos poida ofrecer este documento gráfico.

Grazas aos tres!!!

Tras vivilo, podo dicir que non hai sensación máis gratificante que a de sentirse tan querida e arroupada como me sentín eu grazas a todas e todos vós o pasado mércores na Librería Biblos de Lugo durante a presentación de "O agasallo de Anya".

Ademais do cento de persoas presentes, ás que reitero o meu agradecemento, quero mostrar a miña gratitude a quen quedou fóra porque, literalmente, "non se collía" e a quen quixo estar pero, por distintos motivos que van desde o parto dunha porca celta ata a imposibilidade de cambiar turnos laborais ou mesmo debido á distancia física que nos separaba, non puido ser. 

A todas elas, a todos vós, GRAZAS!!!

Coa idea de que "unha imaxe vale máis ca mil palabras" deixovos aquí unha selección delas. Encantaríame que vos gustasen ;)