FELIZ ANO (escolar) NOVO!!!

Ola de novo a todas e todos, despois do "parón" do verán imos intentar darlle un chisco de vida ao blog de "O agasallo de Anya". Animádesvos?

Aínda que poida parecer que estivo parado, temos moitas, moitísimas, novidades que vos iremos achegando durante este curso. Moitas sorpresas que esperamos vos animen a seguir sendo grandes lectores e lectoras ;)

Estes días viñéronseme á cabeza moitas e moi bonitas imaxes dos momentos que compartín con vós durante este curso pasado nun bo número de colexios e institutos de Galicia. Foron momentos moi enriquecedores e ilusionantes para min. Faime moi feliz saber que vos gusta o que eu escribo... Grazas!!

Foi moi agradable lembrar eses momentos e quero compartilos con vós mentres vou anotando novos encontros para este curso que non fai máis que comezar. 

Ofrézovos unha foto de cada un dos centros polos que pasamos, Xiana e mais eu, neste 2015-16 e que foron: o CPI de Xanceda, CPI López Suarez de Guntín, Colexio San Xosé de Lugo, CEIP Juan Rey de Lourenzá, CEIP Álvaro Cunqueiro de Mondoñedo, IES Ánxel Fole de Lugo, IES Leiras Pulpeiro de Lugo, CEIP Padre Crespo de Xunqueira de Ambía, CEIP Padre Feijoo de Allariz, IES de Allariz, IES Cidade de Antioquía de Xinzo, CEIP de A Pontenova e IES de Curtis. Cantas lembranzas!!!

                                             

Moitas grazas. Que teñades un fantástico inicio de curso!!!