Tan só catro días despois de
pasar unha tarde estupenda en Ribadeo, acolléronme no Colexio de Friol as nenas
e nenos de 5º e 6º de Primaria xunto con algunha rapaciña de 1º de ESO despois
de leren “O agasallo de Anya”.
Ensináronnos a súa
acolledora Biblioteca e alí pasamos, Xiana e mais eu, unha tarde inesquecible sorprendéndonos
co traballo de lectura e investigación que fixeron estas grandes lectoras e
lectores arredor desta novela infantil que tantas satisfaccións me dá. A verdade é que sabían un montón de cousas sobre
Ucraína, o accidente nuclear de Chernobil, o proxecto “Mochilinhas de cores”…
Gustoulles moito ver as
grivnas, en moedas e billetes, que levaba Xiana no seu maletín así como o
diario de Anya, a carta de Icía, o trevo de Sasha, o poema de Irina… Pero penso
que máis me gustou a min ver as súas cariñas de curiosidade e sorpresa.
Grazas, moitas grazas por
convidarme a pasar unha tarde tan estupenda con vós!!!
Ningún comentario:
Publicar un comentario