De Novela a Banda Deseñada!!!

Velaquí outra desas novas que me enchen de alegría e agradecemento. Non é para menos!

Hai uns días un veciño comentoume que oíra falar na radio sobre "O agasallo de Anya" en cómic...

Pois si, un proxecto tremendamente ilusionante para min e do que estou máis que agradecida a ÁNXELA LÓPEZ, alumna da Escola Profesional de Banda Deseñada e Ilustración "O Garaxe Hermético" de Pontevedra, que elixiu esta novela infantil para desenvolver o seu Proxecto de último ano e así rematar os estudos de Banda Deseñada.
Agradecemento extensivo tamén, como non, a Ana e Kiko da Silva que contactaron comigo e animaron a Anxe a facer dese proxecto unha realidade.

Así o anunciaba no Diario de Pontevedra o pasado mes de febreiro, nunha reseña biográfica que acompañaba as súas viñetas de "Esperando a Gatot" :)

Hoxe, e por suposto co permiso dela, quero amosarvos algunhas das fantásticas ilustracións que fixo pois penso que ben merecen ser vistas e aplaudidas por todas e todos vós. A min encántanme. 

E como son desas imaxes que valen máis ca mil palabras... tócame calar ;)

Mil grazas e outros tantos parabéns, Anxe!!!